Azərbaycan İsveçlə matçda olduğu kimi hücum futboluna üstünlük versə, qələbə də qazana bilər.

Bunu "Report"a açıqlamasında Azərbaycan millisinin sabiq futbolçusu Vurğun Hüseynov deyib.

Yığmamızın UEFA Millətlər Liqasında qarşılaşacağı Slovakiya oyunu barədə danışan 36 yaşlı müdafiəçi, yaxşı nəticəyə ümid etdiyini bildirib:

"İsveçlə keçirdiyimiz və 1:3 hesabı ilə məğlub olduğumuz ilk oyunda pis təsir bağışlamamışdıq. Əgər Ramil Şeydayev penalti zərbəsini dəqiq yerinə yetirsəydi, nəticə başqa cür ola bilərdi. Bu günkü qarşılaşmada da milli komandamza uğurlar arzu edirəm. Düşünürəm ki, ən azı 1 xal qazanacağıq. Yeni baş məşqçi Fernandu Santuşa vaxt lazımdır ki, öz oyun üslubunu milli komandaya aşılaya bilsin. Təbii ki, bunu 10 gün içərisində reallaşdırmaq mümkün deyil. Əgər Azərbaycan ilk matçda olduğu kimi hücum futboluna üstünlük versə, qələbə də qazana bilər".

Qeyd edək ki, Millətlər Liqasının II turunda üz-üzə gələcək Azərbaycan və Slovakia yığmalarının dueli bu gün Bakı vaxtilə saat 20:00-da başlayacaq.

Oxşar xəbərlər

UEFA Millətlər Liqası: Azərbaycan yığması İsveçə məğlub olub - YENİLƏNİB - 7

"Qarabağ" UEFA Çempionlar Liqasında mübarizəni dayandırıb - YENİLƏNİB - 5

Maksim Medvedev: Futbol oynaya və qol imkanları yarada bilirik - MÜSAHİBƏ

"Dinamo Zaqreb"in dünya futboluna bəxş etdiyi ULDUZLAR - SİYAHI

Portuqaliyalı mütəxəssis: Millidə yerli məşqçi mütləq olacaq