Lənkəranda sərxoş qadın TIR sürücüsünü qarət edib.

Far.Az Lent.az-a istinadən xəbər verir ki, hadisə Ələt-Astara yolunun 164-cü kilometrliyində, Lənkəran rayonunun Girdəni kəndində qeydə alınıb.

İttiham aktına görə, 52 yaşlı Arifə Məcidova (ad və soyad şərtidir) sərxoş halda yol kənarında dayanıb evinə getmək üçün avtobus gözləyirmiş. Bu zaman ölkələrarası yükdaşıma ilə məşğul olan İran vətəndaşı idarə etdiyi TIR-ı onun yaxınlığında saxlayıb. O, sürücünün icazəsi ilə avtomobilə əyləşib. Yolda Arifə sürücünün pul kisəsini saxladığı yeri görüb. Sürücü avtomobildən düşüb aşağıda iş görərkən Arifə içərisində 900 dollar (təxminən 1530 manat) pul kisəsini götürüb. Zərərçəkən bunu biləndə isə Arifə inkar edərək, maşından düşüb və pulu çəmənlikdə çınqılın arasına ataraq ərazidən uzaqlaşıb. Bir qədər sonra taksi ilə həmin yerə pulu götürməyə qayıdıb. Bu zamanadək TIR sürücüsü ərazidən getməyibmiş. Zərərçəkən Arifənin ora qayıtdığını gördükdə hadisə ilə bağlı polisə şikayət edib.

Nəticədə Arifə Məcidova saxlanılıb və barəsində cinayət işi açılıb.

Lənkəran rayon Məhkəməsinin qərarı ilə Arifə Məcidova barəsində 1 il müddətinə azadlığın məhdudlaşdırılması cəzası təyin edilib.

Oxşar xəbərlər

Prezident İlham Əliyev Əfv Sərəncamı imzalayıb

Leyla Əliyeva, Arzu Əliyeva və Alena Əliyeva Lənkəranda ekoloji aksiyalarda iştirak ediblər

Balıkesirdəki zəlzələ zamanı 25 bina zərər görüb

Leyla Əliyeva, Arzu Əliyeva və Alena Əliyeva Lənkəranda fermer təsərrüfatı ilə tanış olublar

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib