Avroviziya təmsilçimiz Dilarə Kazımova yeni duet layihəsi ilə pərəstişkarlarının qarşısına çıxıb.

Far.Az xəbər verir ki, sənətçi bəstəkar-müğənni Fidan Aliva ilə birlikdə hazırladıqları "Очень" (Çox) adlı rusdilli mahnıda dramatik eşqin gətirdiyi dərin emosiyalar əsas mövzu kimi işlənib.

Layihənin ideyası hər iki sənətçiyə, ekran işinin rejissorluğu isə "Toxy-Foxy" yaradıcı heyətinə məxsusdur.

Dilarə Kazımova musiqi ilə bağlı mətbuata açıqlamasında bildirib:

"Hər kəs bu hekayədə özünü tapa bilər. Alınmadı, amma hələ də içimizdə o sevgini yaşadırıq və həyatımıza davam edirik.

Hələ də düşünürük, bəlkə başqa cür ola bilərdi. Bu hissləri hələ də içimizdə yaşadırıq. Bəlkə də bu mahnı vaxtında düzgün qərar verə bilməməyin peşmanlığıdır. Bəlkə hər şey başqa cür ola bilərdi, əgər mən o vaxt getməsəydim. Hələ də bilmirəm - verdiyim qərar doğru idi, yoxsa səhv. Biz hələ də "bəlkə"lərin içində yaşayırıq. Bəlkə hər şey tamam başqa cür olardı, əgər mən o vaxt o qərarı verməsəydim". "Очень" həm Dilarə Kazımovanın repertuarına yeni rəng qatır, həm də onun müğənni dəsti-xəttini qoruyub saxlayır.

Mahnının bəstəsi Fidan Aliva tərəfindən hazırlanıb və artıq YouTube kanalında, həmçinin bütün rəqəmsal musiqi platformalarında dinlənilə bilər.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İƏT Mədəniyyət Festivalı çərçivəsində Qadınların Yaradıcı Forumu keçirilib