İstanbulun "Qalatasaray" klubu "La Liga" nəhəngi "Barselona"da çıxış edən Mark Bernal üçün 30 milyon avro dəyərində təklif göndərib.

BAKU.WS xəbər verir ki, "sarı-qırmızılılar" qış transfer dövründə katalon klubuna rəsmi təklif ünvanlayıb və 18 yaşlı gənc müdafiəçinin maaşını mövcud qazancının üç qatına qədər artırmağı təklif edib.

Lakin "Barselona" təklifi rədd edib. Bundan əlavə, gənc oyunçuya maraq göstərən "Jirona" və "Ayaks" klublarının təklifləri də qəbul edilməyib.

"Barsa"dakı gələcəyi ilə bağlı açıqlama verən Mark Bernal bunları deyib: "Qalmaq istəyirəm, mənim arzularımdan biri bu klubda uğur qazanmaqdır. "Barselona" mənim həyatımın klubu olaraq qalır".

Futbola "Barsa" akademiyasında başlayan Bernal, 2024-cü ildə əsas komandaya yüksəlib. Bu mövsüm 18 oyunda 1 qol və 1 məhsuldar ötürmə ilə yadda qalıb. Onun "Barselona" ilə müqaviləsi 30 iyun 2029-a qədər qüvvədədir.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

Polis Akademiyasında beynəlxalq konfrans keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN