Azərbaycan karateçisi Xədicə Qasımova Birləşmiş Ərəb Əmirliklərinin (BƏƏ) Fuceyra şəhərində keçirilmiş "Karate1 Gənclər Liqası" turnirindən öncə çətinliklərlə üzləşib.

Karateçi bunu "Report"a açıqlamasında bildirib.

52 kq çəki dərəcəsində yarışan idmançı buna rəğmən, döyüşlərin əla keçdiyini vurğulayıb:

"Yarışa hər gün məşq edərək hazırlaşırdım. Turnir ərəfəsində müəyyən ağrılarla, xəstəliklərlə üzləşdim. Buna baxmayaraq, hazırlığı dayandırmadım. Döyüşlərim demək olar ki, əla keçdi. Qarşılaşmaların çoxunu böyükhesablı qələbələrlə başa vurdum. Ən çətin döyüşüm yarımfinalda xorvatiyalı rəqibimə qarşı oldu. Həyəcanlı olsam da, qorxum yox idi və qalib gəlməyi bacardım".

X.Qasımova növbəti hədəfləri barədə də məlumat verib:

"Qarşıda bizi Xorvatiyada keçiriləcək yarış gözləyir. İndi həmin turnirə hazırlaşırıq. İnşallah, orada da eyni uğuru təkrarlamaq istəyirəm".

Qeyd edək ki, Xədicə Qasımova BƏƏ-dəki yarışda U-14 yaş kateqoriyasında bütün rəqiblərini üstələyərək fəxri kürsünün ən yüksək pilləsinə qalxıb.

Oxşar xəbərlər

Əbu-Dabidə Azərbaycan Prezidenti İlham Əliyevin Birləşmiş Ərəb Əmirliklərinin Prezidenti ilə görüşü olub

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Üzgüçülük üzrə Azərbaycan çempionatı başa çatıb - YENİLƏNİB

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

Azərbaycan və BƏƏ prezidentləri Cıdır düzündə Qarabağ atlarının şousunu izləyiblər