Azərbaycan xarici işlər nazirinin müavini Elnur Məmmədov BMT Baş Assambleyasının 79-cu sessiyası çərçivəsində "Qəzzadakı vəziyyət, ədalətli və hərtərəfli sülhə aparan yol kimi İki Dövlət Həllinin həyata keçirilməsi" mövzusunda keçirilən iclasda iştirak edib.

"Report" xəbər verir ki, bu barədə nazirlik sosial şəbəkə hesabında məlumat yayıb.

İclasda İsrail-Fələstin münaqişəsinin BMT Təhlükəsizlik Şurasının müvafiq qətnamələrinə uyğun olaraq ədalətli və davamlı həllinin təcili tapılmasının zəruriliyi vurğulanıb. Həmçinin Azərbaycanın iki dövlət prinsipi əsasında həllinə qətiyyətlə dəstək verdiyi qeyd edilib.

Nazir müavini həmçinin BMT Təhlükəsizlik Şurasının "Sülh naminə liderlik: BMT Nizamnaməsinə hörmət edərək təhlükəsiz gələcək axtarışında" mövzusunda yüksək səviyyəli açıq müzakirədə iştirak edib və bəyanat verib. E.Məmmədov çıxışı zamanı çoxtərəfli əməkdaşlığın etibarlılığını təmin etmək üçün BMT Nizamnaməsinə ciddi riayət olunmasına dair Azərbaycanın prinsipial mövqeyini bir daha vurğulayıb. Azərbaycanın çoxtərəfli əməkdaşlığa qəti dəstəyinin Qoşulmama Hərəkatına keçmiş sədrliyi, eləcə də hazırkı COP29 prezidentliyi də daxil olmaqla, beynəlxalq platformalardakı fəaliyyətinin əsas elementi olduğu bildirilib.

Deputy Foreign Minister @ElnurIMammadov attended and addressed the Ministerial Meeting on “The situation in Gaza and the implementation of the Two-State Solution as the path to just and comprehensive peace” on the sidelines of the #UNGA79.

Pressing necessity for a fair and… pic.twitter.com/5y9nSXd5Ym

— MFA Azerbaijan (@AzerbaijanMFA) September 27, 2024

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Ceyhun Bayramov BMT Baş Assambleyasının 79-cu sessiyasında iştirak edib - YENİLƏNİB

Nyu-Yorkda Azərbaycanın Kəşmir probleminin həllinə dair beynəlxalq normalara əsaslanan mövqeyi bir daha vurğulanıb

Ceyhun Bayramov: Ortaq əlifba türk dövlətlərinin əməkdaşlığına töhfə verəcək  - YENİLƏNİB 2