Mərakeş milli komandasının və PSJ klubunun futbolçusu Əşrəf Hakimi təcavüz ittihamları əsasında məhkəmə prosesinə cəlb ediləcək. Hazırkı mərhələdə məhkəmə dinləmələrinin keçiriləcəyi dəqiq tarix müəyyənləşdirilməyib.

Far.Az Oxu.Az-a istinadən xəbər verir ki, Nanterre prokurorluğu Hakimiyə qarşı 2023-cü ilin mart ayında ittiham irəli sürmüşdü.

İdmançı həmin ilin fevralında hüquq-mühafizə orqanlarına müraciət edən 24 yaşlı xanımı zorlamaqda təqsirləndirilir.

"Le Parisien" qəzetinin 2025-ci ilin avqust ayında yaydığı məlumata əsasən, Hakimi Nanterre prokurorluğunun tələbi ilə 15 ilə qədər azadlıqdan məhrumetmə cəzası təhlükəsi ilə üz-üzədir.

Qeyd edək ki, 27 yaşlı futbolçu 2021-ci ilin yay transfer pəncərəsindən bəri PSJ-nin şərəfini qoruyur. O, Paris təmsilçisi ilə birlikdə dörd dəfə Fransa çempionatının qızıl medallarını qazanıb, üç dəfə ölkə Super Kubokuna və Fransa Kubokuna (iki dəfə) sahib çıxıb. O, həmçinin Çempionlar Liqası və UEFA Super Kuboku kimi titulları əldə edib.

Oxşar xəbərlər

Prezident İlham Əliyev Əfv Sərəncamı imzalayıb

Ermənistan vətəndaşlarının məhkəməsində hökm elan olunub - YENİLƏNİB

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

Arayik Arutyunyan və digərlərinə hökm oxundu

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib