Rusiya Silahlı Qüvvələrinin Ukraynanın Xarkov vilayətinin Kozaça Lopan qəsəbəsinə dron hücumu nəticəsində respublikanın Ali Məhkəməsinin hakimi ölüb.

“Report” xəbər verir ki, bu barədə ölkənin Xarkov Vilayət Dövlət Administrasiyasnın sədri Oleh Sinehubov və Xarkov vilayət prokurorluğu məlumat yayıb.

Bildirilib ki, hücum sentyabrın 28-də yerli vaxtla 13:00 (Bakı vaxtı ilə 14:00) radələrində gerçəkləşib.

“Dron şəxsi avtomobilə dəyib. Dinc sakin – kişi ölüb, şəxsiyyəti müəyyənləşdirilir. Daha üç qadın yaralanıb, tibbi müəssisəyə yerləşdirilib”, – Sinehubov teleqramda qeyd edib.

Xarkov vilayət prokurorluğu məlumatı təsdiqləyərək ölən şəxsin Ali Məhkəmə hakimi olduğunu açıqlayıb. Prokurorluq hakimin yerli sakinlərə humanitar yardım daşıdığını diqqətə çatdırıb.

Daha sonra Ali Məhkəmə həlak olan şəxsin 61 yaşlı Leonid Loboyko olduğunu bildirib. O, Ali Məhkəmənin Kassasiya cinayət məhkəməsinin hakimi olub.

Oxşar xəbərlər

Zorakılıq qurbanlarını necə mühafizə edək? - ARAŞDIRMA

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Moskva vilayətinə dron hücumu olub, ölən və yaralanan var - YENİLƏNİB

Rusiyanın Xarkovu atəşə tutması nəticəsində 28 nəfər yaralanıb

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib