Bakının Xəzər rayonu, Yeni Qala qəsəbəsində yerləşən 323 nömrəli tam orta ümumtəhsil məktəbində idman zalının olmaması valideynlərin narazılığına səbəb olub.

Baku TV-nin qaynar xəttinə daxil olan şikayətdə vətəndaşlar bildirirlər ki, şagirdlər idman dərslərini normal şəkildə keçə bilmirlər.

Hətta bəzi hallarda uşaqlar dərs zamanı məktəbin yaxınlığındakı avtomobillərin hərəkət etdiyi ərazidə oynamağa məcbur olurlar. Bu isə onların təhlükəsizliyi baxımından ciddi risklər yaradır.

"Məktəbdə 850-dən çox şagird təhsil alır. İdman zalı, stadion olmadığı üçün uşaqlar məcbur qalıb asfaltın üzərində futbol oynayırlar. Bir neçə uşaq yıxılıb, ağzı-burnu əzilib", - deyə valideynlərdən biri qeyd edib.

Mövcud vəziyyətlə bağlı Bakı Şəhər Təhsil İdarəsindən bildirilib ki, məktəb infrastrukturunun yenilənməsi və şəbəkəsinin genişləndirilməsi baxımından davamlı tədbirlər, sosial inkişafa xidmət edən proqramlar həyata keçirilir:

"Bu tədbirlər təhsil alanların tədris şəraitinin yaxşılaşdırılmasına, təhsildə keyfiyyətin yüksəldilməsinə xidmət edir. Sözügedən məktəbin qarşıdakı illərdə yenidən qurulması həyata keçiriləcəyi təqdirdə idman zalının tikilməsi nəzərdə tutulur".

Oxşar xəbərlər

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

Sumqayıtda 36 nömrəli tam orta məktəbin yenidənqurmadan sonra açılışı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Ağdam şəhər 1 nömrəli tam orta məktəbdə tədris prosesinə başlanılıb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2