FİFA prezidenti Canni İnfantino İran milli komandasının 2026-cı il Dünya Kubokunun qrup mərhələsi oyunlarını planlaşdırıldığı kimi ABŞ-də keçirəcəyini bildirib.

BAKU.WS xəbər verir ki, onun sözləri "El Financiero" tərəfindən sitat gətirilib.

"Biz onların Dünya Kuboku oyunlarını ən yaxşı şəraitdə keçirmələrini təmin etmək üçün çalışırıq və əlimizdən gələni edəcəyik. B, C və ya D planları yoxdur, yalnız A planı var", - İnfantino bildirib.

Xatırladaqki, 28 fevralda ABŞ İsraillə birlikdə İrana qarşı hərbi əməliyyata başlayıb. İslam Respublikasının paytaxtı da daxil olmaqla, çoxsaylı şəhərlərinə hücum edilib. Zərbələrdən biri Ali Lider Əli Xameneinin iqamətgahına dəyib. Nəticədə o, həlak olub. Cavab olaraq İran İsrailə, ABŞ hərbi bazalarına və Vaşinqtonun Yaxın Şərqdəki müttəfiqlərinə raket və pilotsuz təyyarələrlə hücum edib.

Qeyd edək ki, Dünya Kuboku 11 - 19 iyul tarixlərində ABŞ, Kanada və Meksikada keçiriləcək. Bir neçə media orqanı İranın ABŞ və İsraillə münaqişəsinə görə turnirdən çıxmasından sonra Rusiya millisinin "wild card" ala biləcəyini ehtimal edirdi. Lakin İran millisi daha sonra oyunlarının ABŞ-dən Meksikaya keçirilməsi ilə bağlı FIFA ilə danışıqlara başlayıb.

Oxşar xəbərlər

Leyla Əliyeva "Mənzərəyə açılan ev" mövzusunda qrup sərgisində iştirak edib

Vətən müharibəsində Qələbənin beşinci ildönümünə həsr olunmuş Hərbi parad keçirilib

"FIFA Series – 2026": Azərbaycan - Syerra Leone oyununda ikinci hissə başlayıb - YENİLƏNİB-3

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Prezident İlham Əliyev Əfv Sərəncamı imzalayıb