"Qarabağ" klubunun futbolçusu Marko Yankoviç "Sabah"la keçirilən oyundan sonra yayılan görüntülərə münasibət bildirib.

Far.Az xəbər verir ki, təcrübəli yarımmüdafiəçi sosial şəbəkədə yazdığı şərhdə baş hakim Rəvan Həmzəzadə ilə bağlı insidentə aydınlıq gətirməyə çalışıb.

O, hakimə qəsdən hücum etmək niyyətində olmadığını vurğulayıb və baş verənlərin yanlış təqdim edildiyini qeyd edib:

"Əgər məni vurmaq istəsəydim, bunu etmək üçün kifayət qədər imkanım olmazdımı? Əgər 20 nəfərin reaksiyası eynidirsə, hamısının səhv, bir nəfərin haqlı olması mümkündürmü? Siz özünüzə sual verdinizmi ki, hakim nə dedi və ya nə etdi ki, mən belə reaksiya verdim?"

Onun sözlərinə görə, insident penalti epizodu ilə bağlı olmayıb. Yankoviç iddia edir ki, VAR-a baxılması üçün etdiyi müraciətdən sonra hakim ona birbaşa qırmızı vərəqə göstərib və "rədd ol" deyib.

O, həmçinin hakimin onu paltardəyişmə otağına çağırmasını qeyri-peşəkar addım kimi qiymətləndirib. Yankoviç qeyd edib ki, qərarla razılaşmasa da, hakimi təhqir etməyib.

Futbolçu xatırladıb ki, bu, "Qarabağ"dakı 4 illik karyerasında ilk qırmızı vərəqədir və ümumilikdə ikinci belə haldır.

Qeyd edək ki, oyundan sonra Yankoviçin baş hakimin üzərinə getdiyini əks etdirən görüntülər sosial şəbəkələrdə yayılıb.

Oxşar xəbərlər

FHN təlim etmək istədi - Yanlış park edilən maşınlara görə yanğın avtomobilləri hərəkət edə bilmədi

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2