Azərbaycan Xarici İşlər Nazirliyinin (XİN) mətbuat katibi Ayxan Hacızadə mer Zohran Kvame Məmdaninin anti-Azərbaycan bəyanatını tənqid edərək, ictimai xadimləri dezinformasiya yaymaqdan çəkinməyə və barışığa töhfə verməyə çağırıb.

Far.Az report-a istinadən xəbər verir ki, bu barədə o "X" sosial şəbəkəsində yazıb.

"Mer Zohran Kvame Məmdani, ictimai xadimlər məsuliyyətlə davranmalı, dezinformasiya yaymaqdan çəkinməli və siyasi motivli, eləcə də tarixi cəhətdən yalan bəyanatlar vasitəsilə ayrılığı dərinləşdirməyə deyil, barışığa töhfə verməlidirlər. Biz Sizin təxribat xarakterli bəyanatınızı rədd edirik", - Hacızadə yazıb.

Onun sözlərinə görə, bu cür açıqlamalar regionun tarixini və reallıqlarını anlaşılmadığını göstərir və faktları siyasi narrativlərin xeyrinə təhrif edir.

Hacızadə vurğulayıb ki, 2020-ci ildə Azərbaycan özünün beynəlxalq səviyyədə tanınmış ərazisi hüdudlarında, beynəlxalq hüquq normalarına və BMT Təhlükəsizlik Şurasının qətnamələrinə uyğun olaraq hərəkət edib.

Onun sözlərinə görə, 2023-cü ilin antiterror tədbirləri otuz illik qanunsuz işğaldan sonra konstitusiya quruluşunun bərpa olunması ilə nəticələnib:

"Qovulma" barədə iddialar erməni sakinlərə reinteqrasiya, tam bərabər hüquqlar və təhlükəsizlik zəmanətlərinin təklif edildiyi faktını gözardı edir".

"Seçilmiş vəzifəli şəxsin işğal dövründə yüz minlərlə azərbaycanlıya qarşı etnik təmizləmə və kütləvi qətlləri, eləcə də mədəni və dini irsin dağıdılmasını gözardı edərək birtərəfli narrativləri təşviq etməsi xüsusi narahatlıq doğurur. Bu cür məsuliyyətsiz bəyanatlar qəbuledilməzdir və dərhal silinməlidir", - o əlavə edib.

Oxşar xəbərlər

Almaniyada bakılı polisindən maraqlı AÇIQLAMALAR - Son zamanlar...

Tənqid edilənlər, qalmaqal yaradanlar, ilklərə imza atıb, yeniliklər edənlər... - 2025-ci ilin əsas şou hadisələri

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Aqşin Fatehin restoranında saxta alkoqollu içkilər aşkarlandı