Qusarda yanğın təhlükəli şadlıq sarayının fəaliyyəti dayandırılıb.

Bu barədə "Far.Az"a Fövqəladə Hallar Nazirliyindən (FHN) məlumat verilib.

Bildirilib ki, FHN-in Dövlət Yanğın Nəzarəti Xidməti tərəfindən Qusar şəhərində yerləşən "Pəri" şadlıq sarayında keçirilən yoxlama zamanı yanğın təhlükəsizliyi sahəsində çoxsaylı nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib.

Məlum olub ki, obyektin mətbəxində yanğın təhlükəsizliyi baxımından standartlara uyğun olmayan qaz sobalarından və daxili qaz xətlərinin birləşməsində rezin borulardan istifadəyə yol verilib, yanğın zamanı insanların təxliyə olunması üçün köçürmə planı tərtib olunmayıb, obyektin tüstü bacası təmizlənməyib və s.

Bu səbəbdən yanğın təhlükəsizliyi norma və qaydalarının tələblərinin kobud pozulması faktları aşkar edilmiş şadlıq sarayının fəaliyyətinin dayandırılması barədə qərar qəbul olunub.

Qusarda yanğın təhlükəli şadlıq sarayının fəaliyyəti dayandırılıb

Oxşar xəbərlər

"Səbinə" şadlıq sarayının fəaliyyəti dayandırılıb

Sumqayıtda yanğın təhlükəli obyektin fəaliyyəti dayandırılıb

Nazirlikdən "Baku Electronics" MMC-yə məxsus mağazada YOXLAMA

"Qızıl qaya" şadlıq evinin fəaliyyəti dayandırılıb

Xaçmazda şadlıq sarayının fəaliyyətini dayandırıldı