Cinsi istismara və yaxınları tərəfindən təhdidlərə məruz qaldığını iddia edən Nizami rayon sakini - 2004-cü il təvəllüdlü Nərmin Daşqın qızı Şirəliyeva ilə bağlı Ailə, Qadın və Uşaq Problemləri üzrə Dövlət Komitəsi tərəfindən aidiyyəti qurumlara (Daxili İşlər Nazirliyinə, Baş Prokurorluğa, həmçinin müvafiq rayon icra hakimiyyətinə) faktın hərtərəfli araşdırılması və hüquqi qiymət verilməsi məqsədilə rəsmi müraciətlər ünvanlanıb.

Far.Az teleqraf-a istinadən xəbər verir ki, bu barədə komitənin mətbuat xidmətinin rəhbəri Teymur Mərdanoğlu məlumat verib.

O bildirib ki, hazırda məsələ hüquq-mühafizə orqanları tərəfindən araşdırılır:

"Eyni zamanda, qeyd olunan iddialarla bağlı xanımla əlaqə yaradılıb, onun təhlükəsizliyinin, hüquqlarının qorunmasının və zəruri sosial-psixoloji dəstəyin təmin olunması istiqamətində müvafiq tədbirlərin görülməsi üçün aidiyyəti xidmətlər təklif olunub. Komitə tərəfindən xanımın təhlükəsizlik məqsədilə sığınacağa yerləşdirilməsi təklif edilsə də, o, bundan imtina edib".

Qeyd edək ki, N.Şirəliyeva bir müddət əvvəl videomüraciət yayımlayaraq 33 yaşlı əmisi A.Qasımlı tərəfindən cinsi istismar olunduğunu, həmçinin əmisi və atasının təhdidlərinə məruz qaldığını iddia edib.

O, aidiyyəti qurumların məsələni nəzarətə götürməsini istəyib, videonu paylaşdıqdan sonra başına hər hansı hadisə gələcəyi təqdirdə adını çəkdiyi yaxınlarının məsuliyyət daşımalı olduğunu qeyd edib.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Səbinə Əliyeva: Mina problemi fundamental insan hüquqlarının kobudcasına pozulmasıdır

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

"Xankəndi-1" elektrik yarımstansiyası istismara verilib