ABŞ Hərbi Dəniz Qüvvələri Hörmüz boğazında blokada başlayandan bəri İran limanlarına gedən və ya oradan çıxan 65 ticarət gəmisini saxlayıb.

"Report" xəbər verir ki, bu barədə ABŞ Silahlı Qüvvələrinin Yaxın Şərqdəki Mərkəzi Komandanlığının (CENTCOM) "X" sosial şəbəkə hesabında yayılan məlumatda bildirilib.

""USS Abraham Lincoln" (CVN 72) aviakaşıyıcısı ABŞ-nin İrana qarşı dəniz blokadasının icrası da daxil olmaqla, Ərəbistan dənizindəki əməliyyatlarını davam etdirir. Bu günə qədər CENTCOM qüvvələri 65 ticarət gəmisinin istiqamətini dəyişdirib və onların İran limanlarına daxil olmasının və ya oradan çıxmasının qarşısını almaq üçün dörd gəmini sıradan çıxarıb", - məlumatda qeyd olunub.

Xatırladaq ki, fevralın 28-də ABŞ və İsrail bir sıra şəhərlərə hava zərbələri endirərək İrana qarşı hərbi əməliyyata başlayıb. Buna cavab olaraq İran İsrail ərazisinə raket zərbələri endirib və Fars körfəzi ölkələrindəki ABŞ hərbi bazalarına hücum edib.

2026-cı il aprelin 8-nə keçən gecə İran, ABŞ və onların müttəfiqləri iki həftəlik atəşkəs barədə razılığa gəliblər, sonradan Ağ Ev rəhbəri Donald Tramp atəşkəsi qeyri-müəyyən müddətə uzadıb. Aprelin 11–12-də İslamabadda Pakistanın vasitəçiliyi ilə İran və ABŞ arasında danışıqlar aparılıb. Müzakirələr nəticəsiz qalıb.

Tehrana təzyiq vasitəsi kimi ABŞ İran limanlarının və Hörmüz boğazından keçidin blokadaya alındığını elan edib. Öz növbəsində İran Hörmüzün Fars körfəzi ölkələrinə gedən gəmilər üçün bağlandığını bildirib. Regiondakı vəziyyət qlobal enerji böhranına səbəb olub.

Oxşar xəbərlər

ABŞ Hörmüz boğazında 58 ticarət gəmisinin istiqamətini dəyişdirib

ABŞ HDQ-nin "Abraham Lincoln" aviadaşıyıcısı İran istiqamətində Hind okeanına daxil olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

CENTCOM İranın hərbi obyektlərinə zərbələr endirildiyini təsdiqləyib - YENİLƏNİB