Fransadan Ermənistana hərbi təyinatlı avadanlıqların mülki yük adı altında daşınması ilə bağlı iddialar yenidən müzakirə mövzusuna çevrilib.

Far.Az xəbər verir ki, "Haber Global"ın YouTube kanalında yayımlanan videosüjetdə Azərbaycan mediasının bu istiqamətdə apardığı araşdırmalara yer verilib.

Materialda qeyd olunur ki, Fransa hərbi nəqliyyat təyyarələrinin İrəvana uçuşları diqqətçəkən aktivlik göstərib. Xüsusilə mayın 4-də Fransa Hava və Kosmik Qüvvələrinə məxsus "Airbus A330-200" tipli təyyarənin İrəvana eniş etməsi, daha sonra isə Parisə və Fransadakı hərbi bazalardan birinə yönəlməsi suallar yaradıb.

Məlumata görə, Fransa Prezidenti Emmanuel Makronun mayın 5-də İrəvana səfərindən bir gün əvvəl baş verən bu uçuşun məqsədi və daşınan yükün mahiyyəti rəsmi şəkildə açıqlanmayıb.

Videomaterialda qeyd edilir ki, uçuş məlumatları təyyarənin hərəkətini təsdiqləsə də, daşınan yükün məzmunu barədə dəqiq informasiya yoxdur və bu da müxtəlif ehtimalların gündəmə gəlməsinə səbəb olub.

Qeyd olunan iddialarla bağlı Fransa tərəfi və rəsmi qurumlar tərəfindən hələlik açıqlama verilməyib.

Oxşar xəbərlər

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

İlham Əliyevin İranın Azərbaycana dron hücumuna dair mövqeyi dünya mediasının diqqət mərkəzindədir

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2