Bakının Hövsan qəsəbəsində təxminən beş il əvvəl təmirinə başlanılan Hövsan Mədəniyyət Sarayı hələ də istifadəyə verilməyib. Hazırda acınacaqlı vəziyyətdə olan bina ilə bağlı bir qrup qəsəbə sakini sosial şəbəkələrdə videomüraciət yayaraq aidiyyəti qurumlara səsləniblər. Sakinlər bildirirlər ki, vaxtilə müəyyən təmir işləri aparılsa da, prosesin dayanması binanın xarabalığa çevrilməsinə yol açıb.

Far.Az xəbər verir ki, bu barədə Baku TV-nin videomaterialında deyilir.

Qəsəbə sakinlərindən birinin sözlərinə görə, üç il əvvəl binada daxili suvaq işləri görülmüş və pəncərələr quraşdırılmışdı. Lakin nəzarətsizlik və işlərin yarımçıq qalması səbəbindən sonradan şüşələr sındırılıb, binanın daxili hissələri dağıdılıb. Hazırda tikili baxımsız və bərbad haldadır.

Məsələ ilə bağlı Bakı Şəhər Mədəniyyət Baş İdarəsindən qeyd olunub ki, paytaxtda və regionlarda əsaslı təmirə və yenidənqurmaya ehtiyacı olan mədəniyyət müəssisələrinin investisiya proqramlarına daxil edilməsi imkanları hazırda nəzərdən keçirilir. Qurumun məlumatına görə, bu istiqamətdə lazımi monitorinqlər və texniki qiymətləndirmələr aparılır.

İdarədən, həmçinin qeyd olunub ki, Hövsan Qəsəbə Mədəniyyət Evi ilə bağlı məsələyə də aidiyyəti üzrə baxılır. Müvafiq maliyyə vəsaiti ayrıldıqdan sonra qanunvericiliyin tələblərinə uyğun olaraq zəruri prosedurlar həyata keçiriləcək və binada yarımçıq qalmış işlər davam etdiriləcək.

Oxşar xəbərlər

Leyla Əliyeva "Mənzərəyə açılan ev" mövzusunda qrup sərgisində iştirak edib

Yasamalda bina təhlükə altındadır: Sakinlər ölüm qorxusu ilə yaşayırlar

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Bakıda avtomobil təmiri sexinin fəaliyyəti dayandırılıb

Azərbaycanda bir qrup hərbçiyə MƏNZİLLƏR VERİLDİ