Türk Dövlətləri Təşkilatı (TDT) ölkələrinin liderləri kosmik fəaliyyət sahəsində əməkdaşlığın inkişafını prioritet hesab edirlər.

"Report"un Türküstana ezam olunan əməkdaşının xəbərinə görə, bu barədə TDT-nin qeyri-rəsmi sammitinin yekunları üzrə bu gün qəbul edilmiş Türküstan Bəyannaməsində deyilir.

"Kosmik fəaliyyət sahəsində əməkdaşlığın artan əhəmiyyətini qəbul edirik və onu texnoloji tərəfdaşlığın gücləndirilməsinə, elmi və kadr potensialının inkişafına, eləcə də TDT-yə üzv dövlətlər arasında əməkdaşlığın və inteqrasiyanın dərinləşdirilməsinə yönəlmiş birgə təşəbbüslər vasitəsilə TDT-yə üzv dövlətlər arasında qarşılıqlı fəaliyyətin prioritet istiqamətlərindən biri kimi müəyyən edirik", - sənəddə bildirilib.

Bundan əlavə, sammit iştirakçıları "CubeSat-12U" nanopeykləri sinfindən olan elmi kosmik aparatın hazırlanması və yerüstü sınaqları üzrə TDT çərçivəsində davam edən birgə layihəni səmərəli çoxtərəfli əməkdaşlığın nümunəsi kimi qiymətləndirərək alqışlayıblar.

Oxşar xəbərlər

İlham Əliyev Türküstanda TDT-nin qeyri-rəsmi Zirvə görüşündə iştirak edib

Bişkekdə TDT ölkələri hökumət başçılarının iclası olub, Birgə Bəyanat qəbul edilib

Bakıda D-8 ölkələrinin Gənclər Dialoqunun rəsmi açılış mərasimi keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib