Ümumdünya Şəhərsalma Forumunun 13-cü sessiyası (WUF13) qarşıdakı beş il ərzində Dayanıqlı İnkişaf Məqsədlərinin (DİM) yerinə yetirilməsi üçün tələb olunan vacib addımların yenidən qiymətləndirilməsində mühüm əhəmiyyət kəsb edir.

"Far.Az" xəbər verir ki, bunu Malayziyanın mənzil inşaatı və yerli özünüidarəetmə naziri, BMT-nin Məskunlaşma Proqramı (UN-Habitat) Assambleyasının fəaliyyətdə olan prezidenti Nqa Kor Minq Bakıda keçirilən WUF13 çərçivəsində Yeni Şəhər Gündəliyi üzrə nazirlər səviyyəsində görüşdə bildirib.

"İlk növbədə, qlobal şəhər gündəliyi üçün belə bir məsuliyyətli dövrdə bu əhəmiyyətli müzakirəni təşkil etdiklərinə görə Azərbaycan hökumətinə və "UN-Habitat"a minnətdarlığımı bildirmək istəyirəm. Hazırkı WUF-un mövzusu - "Dünyanın mənzillə təminatı: təhlükəsiz və dayanıqlı şəhərlər, icmalar" - əlçatan mənzilin sırf texniki bir məsələ olmadığını xatırladır. O, dayanıqlı inkişafın bünövrəsini təşkil edir.

"UN-Habitat" Assambleyasının prezidenti qismində mən Yeni Şəhər Gündəliyinin lokallaşdırılmasının əhəmiyyətini vurğulayaraq, qlobal öhdəliklərimizin milli və yerli səviyyələrdə konkret praktiki addımlara çevrilməsinin zəruriliyinə xüsusi diqqət çəkmək istəyirəm", - nazir bildirib.

Nazirin sözlərinə görə, bugünkü, eləcə də Nyu-Yorkda təşkil olunacaq qarşıdan gələn yüksək səviyyəli müzakirələr, aralıq icmal yaxın beşillikdə DİM-lərə nail olmaq üçün həyata keçirilməsi zəruri olan tədbirlərin yenidən nəzərdən keçirilməsində mühüm rol oynayır.

Oxşar xəbərlər

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

DSX-nin 270 hərbçisi mənzillə təmin olunub

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Azərbaycanda mənzil təminatı: sosial inklüzivlik və dayanıqlı urbanizasiya modeli – ARAŞDIRMA

Media nümayəndələri üçün WUF13 haqqında məlumatlandırma sessiyası keçirilib