Yusuf Güneyin 10 ilə qədər həbs olunması tələb edilir
Müğənni Yusuf Güney iştirak etdiyi verilişlərdən birində Ayahuska çayı barədə səsləndirdiyi fikirlərə görə hakim qarşısına çıxıb.
BAKU.WS xəbər verir ki, "Narkotik və ya psixotrop maddələrin istifadəsinə təşviq etmə" ittihamı ilə 10 ilədək azadlıqdan məhrum edilməsi istənilən ifaçı İstanbul Asliye Cəza Məhkəməsində keçirilən prosesdə cinayət niyyətinin olmadığını bildirib.
Hadisə Güneyin rəqəmsal platformada yayımlanan proqramda Ayahuska çayından danışmasından sonra başlayıb.
İstanbul Baş Prokurorluğunun koordinasiyası ilə aparılan araşdırmalar nəticəsində müğənni saxlanılıb.
Ekspertiza zamanı çayın tərkibindəki DMT maddəsinin 2313 saylı Qanuna əsasən qadağan olunmuş maddələr siyahısında olduğu müəyyənləşdirilib.
Yusuf Güney xaricdə yaşayan ailədən olduğunu, 19 il ərzində Böyük Britaniya vətəndaşlığını qəbul etmək imkanı olsa da, Türk vətəndaşlığından imtina etmədiyini və ölkəni tərk etmək fikrinin olmadığını vurğulayıb.
Məhkəmə nəzarəti səbəbindən xarici konsertlərinə qatıla bilmədiyini deyən ifaçı Peruda tanıdığı bitki haqqında danışmasının başına problem açdığını qeyd edib.
Güneyin vəkili Feyza Kayadibi isə müdafiə çıxışında müştərisinin həmin bitkini qədim müalicə vasitəsi kimi tanıdığını, onun qadağan edildiyini bilməsinin mümkün olmadığını və təşviq məqsədi daşımadığını əsas gətirib.
Vəkil bəraət hökmünün çıxarılmasını və məhkəmə nəzarəti tədbirinin ləğv edilməsini istəyib.
Dinləmələrin ardından məhkəmə Yusuf Güney barəsində seçilmiş məhkəmə nəzarəti tədbirinin qüvvədə saxlanılmasına və işin mahiyyəti üzrə rəyin hazırlanması üçün materialların prokurorluğa göndərilməsinə qərar verib.
Oxşar xəbərlər
Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub
Milli Məclisə seçkilərdə lider namizədlərin adları açıqlanıb - YENİLƏNİB
VII çağırış Milli Məclisin deputatları - SİYAHI
Veb-kamera quraşdırılan seçki məntəqələrinin siyahısı açıqlanıb
SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Böyük Britaniya Ukraynaya mindən çox uzaqmənzilli dron verəcək













