23 May – Beynəlxalq Güləş Günü münasibətilə Şamaxıda media nümayəndələri üçün media-tur təşkil olunub.

"Report"un Şamaxıya ezam olunmuş müxbiri xəbər verir ki, bu səbəblə

Azərbaycan Güləş Federasiyası (AGF) tərəfindən Şamaxı şəhərində seminar keçirilib.

Media-turda idman jurnalistləri, federasiya rəsmiləri və güləş ictimaiyyətinin üzvləri iştirak ediblər. Seminarın əsas məqsədi güləş idman növündə tətbiq olunan yeniliklər, beynəlxalq qaydalardakı dəyişikliklər və onların praktik əhəmiyyəti barədə məlumat vermək olub.

Seminarda çıxış edən AGF-nin Hakimlər Komitəsinin sədri Asif Şirəliyev son dövrlərdə güləş qaydalarında edilən dəyişikliklərdən danışıb. O bildirib ki, yeni qaydalar yarışların daha dinamik, şəffaf və tamaşaçılar üçün maraqlı keçməsinə xidmət edir. Eyni zamanda hakimlik sistemi, xal hesablanması və bəzi texniki məqamlarla bağlı yeniliklər iştirakçıların diqqətinə çatdırılıb.

Tədbir çərçivəsində jurnalistlərin sualları cavablandırılıb, beynəlxalq arenada tətbiq olunan qaydaların Azərbaycan güləşinə təsiri barədə fikir mübadiləsi aparılıb. Seminar iştirakçılar tərəfindən maraqla qarşılanıb və belə maarifləndirici görüşlərin davamlı keçirilməsinin vacibliyi vurğulanıb.

Tədbir çərçivəsində idman jurnalistləri arasında intellektual yarış da təşkil edilib.

Oxşar xəbərlər

Bakıda Azərbaycan səhiyyəsi üçün önəmli tədbir keçirilib

20 Sentyabr - Neftçilər Günü münasibətilə tədbir keçirilib

Vətən müharibəsində Qələbənin beşinci ildönümünə həsr olunmuş Hərbi parad keçirilib

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

WUF13-ün beşinci günündən maraqlı anlar - FOTOREPORTAJ