Son günlər Türkiyə və yerli mətbuatda "Qarabağ"ın baş məşqçisi Qurban Qurbanovun "Beşiktaş"ın baş məşqçi postuna namizədlər arasında yer aldığı iddia edilir. Bir neçə gün öncə Sergen Yalçınla yollarını ayıran İstanbul təmsilçisinin komandanı etibar etmək istədiyi namizədlərdən birinin də məhz "Qarabağ"ın çalışdırıcısı olduğu bildirilir.

Far.Az xəbər verir ki, məsələ ilə bağlı olaraq "Beşiktaş"ın idman direktoru Öndər Özen "Teleqraf"a açıqlama verib.

O bildirib ki, hazırda yeni baş məşqçi ilə bağlı adlar dəqiqləşməyib:

"Qurban Qurbanovla bağlı hər hansı təşəbbüsümüz və ya marağımız yoxdur. Qurban müəllim çox dəyərli, son dərəcə uğurlu bir mütəxəssisdir və ona böyük hörmət bəsləyirik. Ancaq hazırda "Beşiktaş" klubunun gündəmində belə bir məsələ mövcud deyil. Sonda qeyd edim ki, yayılan xəbərlərin də klubla heç bir əlaqəsi yoxdur".

Qeyd edək ki, Qurban Qurbanov 2008-ci ildən "Qarabağ"ın baş məşqçisidir.

Oxşar xəbərlər

Nazirlik sel təhlükəsi zamanı qorunmağın yollarını göstərdi

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Qurban Qurbanov və futbolçuları Yeni Robotik Reabilitasiya Mərkəzini ziyarət ediblər