Bakı–Tbilisi–Bakı sərnişin qatarının 6 illik fasilədən sonra bərpası iki ölkə arasında iqtisadi və turizm əlaqələrinin inkişafına töhfə verəcək.

"Far.Az"un Gürcüstan bürosunun məlumatına görə, bunu ölkənin iqtisadiyyat nazirinin müavini Tamar İoseliani jurnalistlərə bildirib.

O qeyd edib ki, iki ölkənin paytaxtları – Bakı və Tbilisi arasında dəmir yolu əlaqəsinin yenidən bərpa olunması simvolik əhəmiyyət daşıyır.

"Ölkəmizin Müstəqillik Günü münasibətilə sizi təbrik edirəm. Simvolikdir ki, 6 illik fasilədən sonra ilk dəfə iki paytaxt arasında dəmir yolu əlaqəsi bərpa olunur. Bu, iki şəhərin yenidən birbaşa birləşməsi deməkdir", – deyə İoseliani bildirib.

Nazir müavininin sözlərinə görə, bu addım həm iqtisadi inkişafı, həm də turizm axınlarının artmasını dəstəkləyəcək və ölkələr arasında əlaqələrin daha da güclənməsinə şərait yaradacaq.

Qeyd edək ki, bu gün Gürcüstan Müstəqillik Gününü qeyd edir.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər