Ukraynanın müdafiə qüvvələri Rusiyanın Krasnodar diyarının Tuapse şəhərindəki "Tuapse" neft emalı zavodunun (NEZ) vurulduğunu bildirib.

Bu barədə "Far.Az" Ukrayna Silahlı Qüvvələrinin teleqram kanalına istinadən xəbər verir.

Ukrayna tərəfinin məlumatına görə, 2026-cı il gecə mayın 27-si Tuapse NEZ-in ərazisində yanğın və tüstülənmə qeydə alınıb.

"Tuapse" NEZ Rusiyanın cənubundakı ən böyük neft emalı müəssisələrindən biridir. Emal gücü ildə təxminən 12 milyon ton neft təşkil edir. Müəssisə Rusiyanın silahlı qüvvələrinin təminatı da daxil olmaqla yanacaq istehsal edir.

Bundan əlavə, Ukrayna qüvvələri Rusiyanın işğal etdiyi Luqansk vilayəti ərazisindəki rus bölmələrinin komanda məntəqələrinin, həmçinin Rusiyanın nəzarət etdiyi Ukraynanın Zaporojye vilayəti hissəsindəki maddi-texniki təminat anbarının və pilotsuz uçuş aparatları istehsalı obyektinin vurulduğunu bəyan edib.

Həmçinin bildirilib ki, Ukraynanın Hava Qüvvələri havadan atılan "Storm Shadow" raketlərini tətbiq edərək, Rusiya hərbi hava qüvvələrinin kəşfiyyat avtomatlaşdırma vasitələrinin proqram-aparat komplekslərini Voronej (Voronej vilayəti, Rusiya), Taqanroq (Rostov vilayəti, Rusiya) və Sevastopol (işğal olunmuş Krım) rayonlarında vurublar.

Oxşar xəbərlər

Prezident İlham Əliyev Sumqayıt Sənaye Parkında güzgü vərəqələrin istehsalı zavodunun açılışında iştirak edib

Prezident İlham Əliyev "AZWOOL" mineral daş yunu zavodunun açılışında iştirak edib

Bakıda kosmetoloji vasitələrin satışı anbarının fəaliyyəti dayandırılıb

DYMX Neft Emalı Zavodunda yanğın-taktiki təlim keçirib

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib