BP rəsmisi: "Azərbaycanda növbəti nəsil mühəndislərin formalaşmasına fokuslanmışıq"
BP şirkəti Azərbaycanda növbəti nəsil mühəndislərin formalaşmasına fokuslanıb.
"Report" xəbər verir ki, bunu BP-nin Transformasiya və texnologiyalar üzrə meneceri Marianna Kərimova "Dayanıqlılıq və enerji transformasiyası" mövzusunda Baıda keçirilən "Technovation" Forumunda deyib.
Onun sözlərinə görə, təxminən 8 il əvvəl şirkət ilk dəniz dronunu istifadəyə verib: "Bu gün isə həmin dron qapalı bir sahəni cəmi 45 dəqiqəyə təftiş edir. Halbuki əvvəl bu iş insanlar üçün həftələr çəkirdi. Bu, çox böyük və nəhəng bir imkandır və transformasiya addımlarından yalnız biridir".
M. Kərimova bildirib ki, robotlar artıq təhlükəli zonalara daxil olmağa hazırlaşır: "Bu onun üçün edilir ki, insanlar orada olmaq məcburiyyətində qalmasınlar. Eyni zamanda, bizim rəqəmsal əkizlərimiz mövcuddur. Biz bütün dəniz platformasını bunun üzərindən modelləşdirmişik. Mühəndislərimiz öz işlərini bu sistem üzərindən layihələndirə bilirlər. Məsələn, dənizdə hər hansı avadanlıq dəyişiklikləri etmək lazım olduqda, bunu məsafədən – iştər Bakıdakı ofisdən, istərsə də dünyanın istənilən nöqtəsindən həyata keçirmək mümkündür. Üstəlik, burada dəqiqlik millimetr səviyyəsindədir. Bu da qəbul etdiyimiz qərarların keyfiyyətinə ciddi müsbət təsir göstərir".
Lakin onun fikrincə, transformasiya yalnız texnologiya ilə bağlı deyil: "Əslində, bu, daha çox insanlarla bağlıdır və insan kapitalı ilə əlaqəlidir. Yetişdirdiyimiz istedadlar bu prosesin əsas hissəsidir. Azərbaycanda yüksək səviyyədə qeyri-adi texniki istedadlar var. Buradakı əsas fürsət isə növbəti nəsil mühəndislərin yalnız dünya səviyyəli texnologiyalardan istifadə etməsi deyil, həm də həmin texnologiyaların formalaşdırılmasında iştirak etməsidir. BP və Azərbaycan artıq bir çox sahələrdə yaxşı tərəfdaşdırlar və əməkdaşlıq edirlər".
O vurğulayıb ki, şirkətin ən çox önəm verdiyi istiqamət isə insan kapitalının inkişafıdır: "Bu regionda BP-nin rolu transformasiyanın və Azərbaycanın iqtisadi inkişafının növbəti mərhələsində ölkəni dəstəkləməkdir".
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Ən son xəbərləri bizim
"Facebook" səhifəmizdə izləyin
Digər xəbərlər
-
"Bakcell" gənclər üçün növbəti süni intellekt hakatonunu keçirib
-
"Sədərək" bazarında səssizlik: Alıcıları hara üz tutublar?
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
UEFA Millətlər Liqasında qrup mərhələsinin son oyunları keçirilib
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
ABŞ Azərbaycana minatəmizləmə işlərində yardım göstərə bilər













