FIFA Misir millisindən DÇ-2026-dakı ilk oyunu ərəfəsində formasındakı ulduzları çıxarmağı tələb edib.

"Report" xəbər veirr ki, bu barədə jurnalist Mayki Cunior sosial şəbəkə hesabında məlumat yayıb.

Bildirilib ki, Misir Futbol Federasiyasının loqosunun üzərində yer alan yeddi ulduz komandanın Afrika Millətlər Kubokunda qazandığı yeddi çempionluğu simvolizə edir.

Lakin FIFA-nın qaydalarına əsasən, milli komandaların emblemləri üzərindəki ulduzlar yalnız dünya çempionatlarında əldə olunan titulların sayını əks etdirməlidir. Bu səbəbdən qurum Misir millisindən həmin ulduzları formadan götürməyi tələb edib.

Bundan başqa, FIFA futbolçuların forma üzərindəki nömrə və soyadlarının yazılmasında istifadə olunan qızılı rəngin də dəyişdirilməsini istəyib.

Misir millisi dünya çempionatının qrup mərhələsində ilk oyununu iyunun 15-də Belçikaya qarşı keçirəcək. Komanda qrupun növbəti matçlarında İran və Yeni Zelandiya ilə qarşılaşacaq.

Oxşar xəbərlər

Leyla Əliyeva "Mənzərəyə açılan ev" mövzusunda qrup sərgisində iştirak edib

"Torqovı"dakı yanğından son GÖRÜNTÜLƏR - Xəsarət alan var

Azərbaycan millisi "FIFA Series - 2026" turnirinin qalibi olub - YENİLƏNİB-6

Mehriban Əliyeva növbəti beş il müddətinə Azərbaycan Gimnastika Federasiyasının prezidenti seçilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib