Meksikalı idmançı Manuel Torres Mütləq Döyüş Çempionatının (UFC) Bakıda keçiriləcək turnirində öz taktikası ilə mübarizə aparacaq.

"Report"un məlumatına görə, o, bu barədə mətbuat konfransında bildirib.

"Rafael Fiziyevin hansı taktikadan istifadə edəcəyini bilmirəm. Amma mənim öz döyüş üslubum var. Bundan da istifadə edəcəyəm. Rəqibim təcrübəli döyüşçüdür. Onun məni ilk raunda məğlub edəcəyini düşünmürəm", - meksikalı döyüşçü vurğulayıb.

M.Torres birinci raundda qələbə qazanmaq ehtimalı barədə danışıb:

"Bu, mümkündür. Həmişə beş raundluq döyüşə hazıram. İlk raundda rəqibi üstələmək strategiyanın bir parçasıdır".

O, Bakı haqqında da fikirlərini bölüşüb:

"Şəhəriniz çox gözəldir. İnsanları qonaqpərvərdir. Hələlik çox gəzə bilməmişəm".

Xatırladaq ki, "UFC Fight Night Baku" iyunun 27-də Milli Gimnastika Arenasında baş tutacaq. Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə qarşılaşacaq.

Oxşar xəbərlər

Mehriban Əliyeva növbəti beş il müddətinə Azərbaycan Gimnastika Federasiyasının prezidenti seçilib

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

UFC döyüşçüsü Rafael Fiziyev Bakıya gəlib

Rafael Fiziyev: "Meksikalı rəqibimin ayaqüstə döyüşə üstünlük verməsi işimi asanlaşdırır"

UFC ilk dəfə Azərbaycanda!