Baku TV son günlər sosial şəbəkələrdə geniş müzakirələrə səbəb olan iddiaları yerində araşdırmaq üçün Nizami Tibb Mərkəzində olub.

Belə ki, tibb müəssisəsinin əməkdaşı Bəhruz Nəsirov rəhbərlik tərəfindən öz ərizəsi ilə işdən çıxmağa məcbur edildiyini iddia edir.

Məsələdə adı hallanan Nizami Tibb Mərkəzinin şöbə müdiri Samir Məmmədov çəkiliş aparıldığını görərək əvvəlcə açıqlama verəcəyini bildirsə də, sonradan fikrini dəyişərək müsahibə verməkdən imtina edib.

Hüquqşünas Şamil Paşayevin sözlərinə görə, işçinin işə qəbulu və işdən azad olunması Əmək Məcəlləsinin tələblərinə uyğun həyata keçirilməlidir:

"İşəgötürənin sadəcə olaraq işçi ilə işləmək istəməməsi onun işdən çıxarılması üçün əsas ola bilməz. İşçidən istənilən vaxt "öz ərizənlə işdən çıx" tələbini irəli sürmək qanun pozuntusudur. İnzibati Xətalar Məcəlləsinin 192.6-cı maddəsinə əsasən, əmək qanunvericiliyinin tələbləri pozulmaqla işçinin əmək müqaviləsinə xitam verilməsinə görə vəzifəli şəxslər 1 500 manatdan 2 000 manatadək məbləğdə cərimə edilirlər. Bu hallarla bağlı işçi Dövlət Əmək Müfəttişliyi Xidmətinə və ya məhkəməyə müraciət edə bilər".

Mövzu ilə bağlı Dövlət Əmək Müfəttişliyi Xidməti tərəfindən araşdırma başlanılıb. Araşdırmanın nəticəsi barədə ictimaiyyətə əlavə məlumat veriləcəyi bildirilib.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Sumqayıt Sənaye Parkında karton və qutu taralarının istehsalı müəssisəsinin açılışı olub

İlham Əliyev İmişlidə "Promalt" MMC-nin arpa emalı müəssisəsinin açılışını edib

İlham Əliyev Lənkəran Dövlət Peşə Təhsil Mərkəzinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN