Gürcüstanın paytaxtı Tbilisidə Azərbaycan vətəndaşının qəsdən öldürülməsində şübhəli bilinən şəxs Batumi Beynəlxalq Hava Limanında saxlanlıb.

BAKU.WS xəbər verir ki, bu barədə Gürcüstan Daxili İşlər Nazirliyi "Facebook" hesabında məlumat yayıb.

Bildirilib ki, təqsirləndirilən şəxsin həbsi türk və Azərbaycan həmkarları ilə sıx əməkdaşlıq şəraitində, eləcə də Gürcüstanın Türkiyədəki Polis Attaşesinin birbaşa iştirakı ilə həyata keçirilib.

Məlumata əsasən, bu il iyunun 27-də Tbilisidəki müvəqqəti yaşayış mənzilində təqsirləndirilən şəxs qohumuna həyati təhlükə yaradan xəsarətlər yetirib və o, aldığı xəsarətlər nəticəsində hadisə yerində dünyasını dəyişib. Polis cinayəti törədən şəxsi qısa müddətdə müəyyən edərək onun axtarışını elan edib.

Faktla bağlı araşdırma Gürcüstan Cinayət Məcəlləsinin ağırlaşdırıcı hallarda qəsdən adam öldürməni nəzərdə tutan 109-cu maddəsi ilə aparılır. Həmin maddə 20 ilədək və ya ömürlük azadlıqdan məhrumetmə cəzasını nəzərdə tutur.

Qeyd edək ki, Gürcüstan Prokurorluğu daha əvvəl bu iş üzrə Azərbaycan vətəndaşı Emin Əliyevə qiyabi ittiham irəli sürüb. O, Azərbaycan vətəndaşı Fatimə Kərimovanın gender əlamətinə görə qəsdən öldürülməsində təqsirləndirilirdi. Bu şəxs barəsində axtarış elan edilmişdi.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev Ağdamda 2-ci yaşayış kompleksinin açılışında iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Vətən müharibəsində Qələbənin beşinci ildönümünə həsr olunmuş Hərbi parad keçirilib