Türkiyənin Muğla vilayətində meşə yanğınları ilə mübarizə davam edir.

Far.Az xəbər verir ki, Milas rayonunda başlayan və yaşayış məntəqələri üçün təhlükə yaradan yanğın səbəbindən 1120 nəfər təhlükəsiz ərazilərə köçürülüb.

Günbəgün yüksələn hava temperaturu meşə yanğınları riskini artırıb.

Vilayətin Ortaca və Kavaklıdere rayonlarında qeydə alınan yanğınlar dərhal havadan və qurudan müdaxilə nəticəsində nəzarət altına alınıb.

Buna baxmayaraq, bölgədəki vəziyyət hələ də gərgindir.

Dünən axşam saatlarında Milas rayonunun Gürçamlar məhəlləsi, Bozbük ərazisindəki meşəlik sahədə başlayan yanğın küləyin təsiri ilə qısa müddətdə genişlənib. Alovların yaşayış məntəqələrinə yaxınlaşması ciddi təhlükə yaratdığı üçün fövqəladə tədbirlər görülüb.

Rəsmi məlumatlara görə, təhlükəsizlik tədbirləri çərçivəsində yanğın zonasından 1120 vətəndaş təxliyə edilib.

Hazırda yanğınsöndürmə briqadaları alovun qarşısını almaq və onu tam nəzarət altına almaq üçün işlərini intensiv şəkildə davam etdirirlər.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Şəhidlər xiyabanına xalq ziyarəti axşam saatlarında da davam edir

Heydər Əliyev Fondunun dəstəyi ilə alınan musiqi alətlərinin təqdimatı olub

MÜSİAD Azərbaycanla VİDAL Özəl Sənaye Məhəlləsi arasında memorandum imzalandı

"Torqovı"da GÜCLÜ YANĞIN nəzarət altına alınıb, xəsarət alan var