"Bankın bağlanması və ya lisenziyasının ləğvindən sonra həmin qurumdan kredit götürən vətəndaşların borcu avtomatik silinmir. Borcalanın ödəniş öhdəliyi qüvvədə qalır".

Far.Az xəbər verir ki, bunu iqtisadçı Xalid Kərimli Modern.az-a açıqlamasında bildirib.

Onun sözlərinə görə, bankın fəaliyyətini dayandırması kredit müqaviləsi üzrə öhdəliklərə xitam verilməsi demək deyil:

"Bank bağlansa da vətəndaşın borcu silinmir. Əsas borc, faizlər və kredit müqaviləsinin digər şərtləri qüvvədə qalır. Yəni bankın bağlanması borcalanı ödənişdən azad etmir".

İqtisadçı qeyd edib ki, bankın bağlanması prosesində ləğvedici təyin olunur. Əmanətlərin Sığortalanması Fondu ləğvedici kimi çıxış etdiyi banklarda borcalanlardan kredit ödənişlərini toplayır və bankın öhdəliklərinin yerinə yetirilməsi ilə məşğul olur.

X.Kərimli borcalanın vəfat etməsinin də borcun avtomatik silinməsi anlamına gəlmədiyini vurğulayıb. Onun sözlərinə görə, bu halda miras və vərəsəlik məsələləri nəzərə alınır:

"Mirası qəbul edib, onunla bağlı borc öhdəliklərindən imtina etmək mümkün deyil. Vərəsə mirasdan imtina edirsə, həmin mirasla bağlı borc öhdəliyini də qəbul etmir".

Oxşar xəbərlər

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Azərbaycanlılar pulunu harada saxlayır? - STATİSTİKA

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Xətai rayonunda Heydər Əliyev Fondu tərəfindən yeni məktəb binası istifadəyə verilib

Azərbaycanda vərəsəlik şəhadətnaməsi almaq üçün müraciət etməmiş şəxslərin hüquqları təmin ediləcək