Madrid "Real"ı braziliyalı ulduz futbolçusu Vinisius Juniorun gələcəyi ilə bağlı qəti mövqe sərgiləyib.

Far.Az xəbər verir ki, bu barədə tanınmış jurnalist Romen Molina məlumat yayıb.

Mənbənin iddiasına görə, Madrid təmsilçisi 26 yaşlı hücumçuya seçim təqdim edib: ya klubla yeni müqavilə imzalayacaq, ya da yay transfer pəncərəsində satışa çıxarılacaq.

Molina bildirir ki, Vinisiusun "Real"dan ayrılacağı təqdirdə transferini maliyyə baxımından reallaşdıra biləcək yeganə klub İngiltərənin "Mançester Yunayted"idir. Hazırda Premyer Liqa təmsilçisi braziliyalının karyerasını davam etdirə biləcəyi yeganə real variant kimi qiymətləndirilir.

Qeyd edək ki, Vinisius Junior ötən mövsüm bütün turnirlərdə "Real"ın heyətində 59 oyunda meydana çıxıb. O, bu görüşlərdə 23 qol vurub, 11 məhsuldar ötürmə ilə yadda qalıb.

Braziliyalı futbolçunun Madrid klubu ilə mövcud müqaviləsinin müddəti 2027-ci ilin yayına qədər qüvvədədir.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Eldar Qasımov Bolqarıstanın "Eurovision-2026" milli seçim finalının ulduz qonağı oldu

Bakıda "Force of Love" 2026 yay festivalı keçirilib

Milli dəyərlər və gənclərin gələcəyi mövzusunda tədbir keçirilib