Türkiyədə İstanbul Prokurorluğunun musiqiçi Haluk Leventə məxsus "Ahbap" dərnəyinə qarşı apardığı istintaq çərçivəsində jurnalistlər Ece Üner və Fatih Portakal, vəkil Feyza Altun, müğənni Gökhan Özoğuz və aparıcı Öykü Serter ifadə verməyə çağırılıblar.

BAKU.WS bu barədə "Haber Global" telekanalına istinadən xəbər verir.

Ədliyyə binasına gedən məşhurların verdiyi ifadələr bəlli olub. Onlar ifadələrində "Ahbap" dərnəyi ilə hər hansı maliyyə və ya kommersiya əlaqələrinin olmadığını bildiriblər.

İstintaq çərçivəsində daha altı tanınmış şəxs - jurnalistlər Fatih Altaylı, Ruşen Çakır və Özlem Gürses, komediya ustası Şahan Gökbakar, aktrisa Hazal Kaya və yutuber Fatih Koparan da ifadə vermələri üçün çağırılıblar.

Qeyd edək ki, sözügedən istintaq çərçivəsində daha əvvəl "Ahbap" dərnəyinin təsisçisi, musiqiçi Haluk Levent və "Babala TV"nin yaradıcısı Oğuzhan Uğur həbs olunmuşdular.

Xatırladaq ki, Haluk Leventin dərnəyin adından və ianə vədlərindən istifadə edərək, zərərçəkmişlərdən daşınmaz əmlak əldə etdiyi, lakin köməkçisi Yeliz Kayaya ötürülən bu əmlakların sonradan müxtəlif şübhəlilərin adına qeydiyyata alındığı iddia edilir. Nəticədə bu çərçivədə 60 milyon dollar zərər dəydiyi iddiası irəli sürülür.

Oxşar xəbərlər

Doğulanda həkimin əlindən düşən, övladını itirən, depressiyadan çıxa bilməyən, 35 yaşında vəfat edən Ece İrtemin HEKAYƏSİ

Deniz Çakır 45 yaşında vəfat edən qrup yoldaşı ilə fotolarını paylaşdı

Bakıda tanınmış özbək miniatür ustası Cahangir Aşurovun sərgisi açılıb

Bu azərbaycanlı məşhurların övladı birinci sinifə gedir

Həyatda yaxşı şeyləri niyə görmürük? - Tanınmış simaların FİKİRLƏRİ