İngiltərənin "Liverpul" klubu gürcüstanlı qapıçı Giorgi Mamardaşvilinin növbəti mövsümü icarə əsasında başqa komandada keçirməsini planlaşdırır.

Far.Az xəbər verir ki, bu barədə "TeamTalk" nəşri məlumat yayıb.

Məlumata görə, Mersisayd təmsilçisi əsas qapıçı Alisson Bekeri komandada saxlamaq niyyətindədir. 33 yaşlı braziliyalı qolkiperin yeni mövsümdə də əsas heyətin dəyişməz üzvlərindən biri olacağı bildirilir.

İtaliyanın "Yuventus" klubu Alissonun transferində maraqlı olsa da, "Liverpul" rəhbərliyi təcrübəli qapıçının satışına razılıq verməyib. Klub rəhbərliyi Endryu Robertson və Məhəmməd Salahın komandadan ayrılmasından sonra uzun illər əsas heyətdə çıxış edən Alissonun heyətdə qalmasını vacib hesab edir.

Qeyd edək ki, Alisson Beker 2018-ci ildən "Liverpul"un formasını geyinir. Giorgi Mamardaşvili isə daha çox oyun praktikası qazanması üçün növbəti mövsümdə icarəyə göndərilə bilər.

Oxşar xəbərlər

WUF13-ün beşinci günündən maraqlı anlar - FOTOREPORTAJ

Qış turizm mövsümü öncəsi daxili turizm imkanları nümayiş etdirilib

"Liverpul" Georgi Mamardaşvilini növbəti mövsümdə icarəyə verməyi planlaşdırır

Bakıdakı hərbi paraddan maraqlı FOTOLAR

Bakıda yaz mövsümü ilə əlaqədar genişmiqyaslı daxili iməcilik keçirilib