Baku TV-nin qaynar xəttinə paytaxtın Xəzər rayonunun Buzovna qəsəbəsində yerləşən piyada keçidinin baxımsız vəziyyətdə olması ilə bağlı şikayət daxil olub.

Sakinlərin sözlərinə görə, keçiddə zibillər ətrafa səpələnib, pilləkənlərin kafelləri isə qırılıb və yerindən sökülüb.

Müşahidələr zamanı keçidin ərazisinin məişət tullantıları ilə çirkləndiyi, tütün kötükləri, plastik qablar və digər zibillərin ətrafa səpələndiyi müəyyən edilib.

Məsələ ilə bağlı Azərbaycan Avtomobil Yolları Dövlət Agentliyindən bildirilib ki, sözügedən keçiddə təmizlik işləri mütəmadi aparılır. Bununla belə, bəzi vətəndaşların keçidi məişət tullantıları ilə çirkləndirməsi qısa müddətdə yenidən antisanitar vəziyyətin yaranmasına səbəb olur.

Agentlik qeyd edib ki, yaxın vaxtlarda keçiddə növbəti təmizlik işləri həyata keçiriləcək. Həmçinin vətəndaşlar ictimai əmlaka həssas yanaşmağa, təmizliyə riayət etməyə və ümumi istifadədə olan infrastrukturu çirkləndirməməyə çağırılıb.

Oxşar xəbərlər

Bakıda güclü yanğın: Hadisə yerindən GÖRÜNTÜLƏR

Turistlərin axın etdiyi Alban məbədi baxımsız vəziyyətdədir

Sumqayıtın İnşaatçılar qəsəbəsində yerləşən baxımsız mədəniyyət evi

Zibillər avomobil yoluna "səpələnib" - ANTİSANİTAR VƏZİYYƏT

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB