ABŞ Silahlı Qüvvələrinin Mərkəzi Komandanlığı (CENTCOM) İran İslam İnqilabı Keşikçiləri Korpusunun (SEPAH) İordaniyadakı Əl-Əzraq aviabazasına endirilən zərbə nəticəsində ABŞ-yə məxsus üç "F-35" qırıcısının məhv edildiyi barədə səsləndirdiyi iddiaların həqiqəti əks etdirmədiyini açıqlayıb.

BAKU.WS xəbər verir ki, CENTCOM-un "X" sosial şəbəkəsində yayımladığı bəyanatda bildirilib ki, İranın son raket və pilotsuz uçuş aparatları ilə həyata keçirdiyi hücumlar zamanı ABŞ-yə məxsus heç bir hərbi təyyarə nə zədələnib, nə də məhv edilib.

Qeyd olunub ki, buraxılan bütün raket və PUA-lar ya zərərsizləşdirilib, ya da nəzərdə tutulan hədəflərə çata bilməyib.

Komandanlıq həmçinin SEPAH-ın Hörmüz boğazından keçən ticarət gəmilərinin təhlükə altında olması ilə bağlı açıqlamalarını da əsassız adlandırıb. Bəyanatda vurğulanıb ki, bölgədə dəniz nəqliyyatı üçün əsas risk məhz SEPAH-ın təhdidləri və hücum cəhdlərindən qaynaqlanır.

Bununla yanaşı, ABŞ tərəfi "M/T Nora" adlı kommersiya neft tankerinin guya Vaşinqtonun tətbiq etdiyi blokadanı yardığı barədə yayılan məlumatları da təkzib edib. CENTCOM regionda təhlükəsizliyin təmin edilməsi istiqamətində fəaliyyətin davam etdiyini, 20-dən çox ABŞ hərbi gəmisinin, yüzlərlə təyyarənin və minlərlə hərbçinin əməliyyat hazırlığını qoruduğunu və nəzarəti davam etdirdiyini bildirib.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib