Rusiyanın növbəti hücumu nəticəsində Litvanın Kiyevdəki səfirliyinin binasının zədələnməsi ilə əlaqədar Rusiyanın Vilnüsdəki nümayəndəsi Litva Xarici İşlər Nazirliyinə çağırılacaq.

"Far.Az" xəbər verir ki, bu barədə Litvanın xarici işlər naziri Kyastutis Budris "X" sosial şəbəkəsindəki səhifəsində yazıb.

Onun sözlərinə görə, Rusiya raketlərinin diplomatik nümayəndəlikdən cəmi bir neçə metr aralıya düşməsindən sonra səfirliyin binasına ziyan dəyib. Diplomatik missiyanın əməkdaşları xəsarət almayıblar.

"Ötən gecə Rusiyanın Kiyevə hücumları nəticəsində Litva səfirliyinin binası da zədələnib. Raketlər diplomatik nümayəndəlikdən cəmi bir neçə metr aralıya düşüb. Xoşbəxtlikdən, səfirlik əməkdaşları xəsarət almayıblar. Bu gün Rusiyanın Vilnüsdəki nümayəndəsi Litva Xarici İşlər Nazirliyinə çağırılacaq. Daha sərt sanksiyalar tətbiq etməklə Rusiyaya təzyiqləri gücləndirmək, həmçinin Ukraynaya dəstəyi artırmaq lazımdır", - Budris bildirib.

Oxşar xəbərlər

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Kiyevə raket zərbələri nəticəsində Azərbaycanın Ukraynadakı səfirliyinə ziyan dəyib

Heydər Əliyev Fondunun dəstəyi ilə alınan musiqi alətlərinin təqdimatı olub

İlham Əliyev Qarabağ Universitetinin Klinikası binasının açılışında iştirak edib

Xətai rayonunda Heydər Əliyev Fondu tərəfindən yeni məktəb binası istifadəyə verilib