İspaniyanın Şimali Afrikadakı Seuta şəhərinə qeyri-qanuni miqrant axını güclənib. Mərakeşin Kastilyexos sahillərindən yola çıxan 800-dən çox miqrant üzərək Seutaya keçməyə cəhd edib.

BAKU.WS xəbər verir ki, İspaniyanın dəniz xilasetmə xidməti 300-dən çox, Qırmızı Xaç isə 117 nəfəri sudan xilas edib. Hadisə zamanı iki nəfərin meyiti tapılıb.

Sosial şəbəkələrdə bəzi miqrantların nərdivanla binalara çıxmağa çalışdıqlarını əks etdirən görüntülər yayılsa da, onların evlərə daxil olmağa cəhd göstərməsi barədə iddialar İspaniya rəsmiləri tərəfindən təsdiqlənməyib.

Vəziyyətlə əlaqədar İspaniya hökuməti Seutaya əlavə polis və hərbçilərin göndərilməsi barədə qərar qəbul edib. Baş nazir Pedro Sançes hökumətin böhranın aradan qaldırılması üçün bütün imkanları səfərbər etdiyini bildirib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndi şəhərində hərbçilərin yürüşü başa çatıb

Dövlət rəsmiləri Hərbi Memorial Məzarlığı ziyarət ediblər

Növbəti köç karvanı Kəlbəcər şəhərinə çatıb

Bakıda güclü yanğın: Hadisə yerindən GÖRÜNTÜLƏR