Afina yaxınlığındakı dənizkənarı Porto-Qermeno qəsəbəsini bürüyən irimiqyaslı yanğın nəticəsində 100-ə yaxın ev məhv olub.

"Report" "dpa" agentliyinə istinadən xəbər verir ki, sahil mühafizəsi yerli çimərlikdən 12 nəfəri təxliyə edib.

Yanğınsöndürmə xidmətinin məlumatına görə, Yunanıstan paytaxtından təxminən 50 kilometr qərbdə yerləşən Porto-Qermeno ən çox zərər çəkmiş yaşayış məntəqələri sırasındadır.

Alov qəsəbəni üç tərəfdən mühasirəyə alıb ki, bu da təbii fəlakətlə mübarizəni xeyli çətinləşdirir.

Mandra bələdiyyəsi sədrinin müavini Dimitris Paqonis bildirib ki, yanğın nəticəsində artıq 100-ə yaxın ev yanıb.

"Güclü külək səbəbindən hazırda yanğınsöndürmə aviasiyasını cəlb etmək mümkün deyil. Ümid edirik ki, külək səngiyəcək. Başqa çıxış yolu yoxdur", - o bildirib.

14:56

Güclü küləyin şiddətləndirdiyi meşə yanğınları şənbə günü Yunanıstanın bir neçə rayonunu, o cümlədən Afina ətrafını bürüyüb.

Bu barədə "Report" "Reuters"ə istinadən xəbər verir.

Ölkədə yanğınların söndürülməsi və əhalinin təcili təxliyəsi üzrə irimiqyaslı əməliyyatlar davam edir.

Agentliyin məlumatına görə, yaxın vaxtlara qədər yanğın təhlükəsi riskinin yüksək olduğu mövsümün nisbətən sakit keçdiyi və davamlı ekstremal istilərin daha az müşahidə olunduğu Yunanıstanda yeni yanğın ocaqları alovlanıb. Güclü küləklər alovun daha da yayılmasına səbəb olur.

Oxşar xəbərlər

Leyla və Arzu Əliyevalar Dənizkənarı Milli Parkda açılış və təqdimat mərasimlərində iştirak ediblər

Xocalı şəhərində "Qarabağ Tekstil Evi" MMC istifadəyə verilib

Son üç saatda İrandan Azərbaycana 50 nəfər təxliyə edilib - YENİLƏNİB-6

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3