Məşhur model Cici Hadid və Hollivud ulduzu Bredli Kuper Parisdə birlikdə görüntülənərək evlilik şayiələrini yenidən gündəmə gətiriblər.

Far.Az xəbər verir ki, cütlük şəhər gəzintisi zamanı sol əllərinin adsız barmağında eyni üzüklərlə kameralara tuş gəlib. Daha sonra onlar idman zalından çıxarkən əl-ələ görüntülənib, axşam isə Parisin məşhur Loulou restoranına birlikdə yollanıblar.

Cici Hadid və Bredli Kuper hələlik münasibətlərini rəsmiləşdirdikləri barədə açıqlama verməyiblər. Lakin xarici KİV-in yaydığı məlumata görə, aktyor sevgilisinə ötən ilin sonunda evlilik təklifi edib.

Xatırladaq ki, Cici Hadid və Bredli Kuper 2023-cü ildən münasibətdədir. Bir il əvvəl onların yaxın zamanda ailə qurmağa hazırlaşdıqları barədə xəbərlər yayılmışdı. Bu ilin iyun ayında isə modelin üzərində Bredli Kuperin baş hərflərinin həkk olunduğu kulon gəzdirməsi də diqqət çəkmiş və nişan iddialarını daha da gücləndirmişdi.

Rəsmi təsdiq olmasa da, cütlüyün eyni üzüklərlə ictimaiyyət qarşısına çıxması onların gizli şəkildə evləndiyi və ya toy hazırlığında olduğu barədə müzakirələri yenidən alovlandırıb.

Oxşar xəbərlər

Türkiyə mətbəxinin ləziz məkanı "Günaydın" restoranına "5 ulduz" sertifikatı verildi

Demet Özdemir bu səbəbdən Bredli Kuperin anasına təşəkkür etdi

Şəhidlər xiyabanına xalq ziyarəti axşam saatlarında da davam edir

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Açıq-saçıq rollara çəkilməyən Cessika Albanı Hollivud silmək istədi amma...