Azərbaycanda 2020-ci ilin fevral ayında yaradılmış "Azərbaycan Evro-Kredit" MMC bank olmayan kredit təşkilatı (BOKT) bazara daxil olmaqdan imtina edib.

"Far.Az" bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetinə istinadən xəbər verir.

Məlumata görə, BOKT-un nizamnamə kapitalı bu növ kredit təşkilatları üçün müəyyən edilmiş yeni tələbə (1 milyon manat) cavab verməyib. Bu isə Azərbaycan Mərkəzi Bankının ona BOKT lisenziyası verməsini mümkünsüz edir. Bu səbəbdən BOKT ləğv olunduğunu elan edib.

Xatırladaq ki, "Azərbaycan Evro-Kredit"in hüquqi ünvanı Bakı şəhəri, Səbail rayonu, Badamdar qəsəbəsi, massiv 1, ev 262A, nizamnamə kapitalı 300 min manat (o vaxt üçün müəyyən edilmiş minimum tələbə uyğun), qanuni təmsilçisi isə Rasim Kamil oğlu Eyvazovdur.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Vətən müharibəsinin başlamasından 4 il ötür

Silahlı Qüvvələrin bir qrup hərbi qulluqçu təltif edilib

Prezident İlham Əliyev Əfv Sərəncamı imzalayıb

Qurbanlıq heyvanların satışı və kəsimi xidmətləri göstəriləcək ünvanlar açıqlanıb