Voleybol üzrə “Yaşıl dünya naminə həmrəylik ili” çərçivəsində təşkil olunan Azərbaycan Kubokunun qaliblərinin mükafatlandırılma mərasimi keçirilib.

"Report" xəbər verir ki, bağlanış mərasimində ölkə kubokunu qazanan kişi və qadınlardan ibarət kollektivləri təbrik etmək üçün səhnəyə Azərbaycan Voleybol Federasiyasının prezidenti Şahin Bağırov dəvət olunub.

Qurum rəsmisi bu gün maraqlı final matçlarına şahidlik etdiklərini söyləyib.

"Həqiqətən kişi və qadın voleybolçuların ifaaında maraqlı final oyunlarının şahidi olduq. “Yaşıl dünya naminə həmrəylik ili” çərçivəsində təşkil olunan yarışa dəstək olan hər kəsə öz təşəkkürümü bildirirəm. Voleybol Azərbaycanda seçilən idman növlərindəndir", - deyə qurum rəsmisi bildirib.

Ardınca qalib gələn komandaların heyətində ən yaxşı oyunçular müəyyənləşib.

"Xilasedici"dən Reyes Rodriqes, "Abşeron"dan isə Katerina Jitkova final görüşünün ən yaxşı voleybolçusu mükafatına layiq görülüblər.

Son olaraq kişilərin yarışında “Azərreyl”, qadınların mübarizəsində isə finalda qalib gələn “Gəncə” kollektivi qızıl medal və Azərbaycan Kuboku ilə təltif edilib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Mehriban Əliyevanın doğum günüdür

“Green Hackaton” 2024 müsabiqəsinin bağlanış mərasimi keçirilib, qaliblər mükafatlandırılıb

Özbəkistanın mədəniyyət naziri: Xalqlarımızı birləşdirən fundamental dəyər mədəniyyətdir - MÜSAHİBƏ

"Xilasedici"nin baş məşqçisi: "Bütün fikrimizi Azərbaycan Kubokunu qazanmağa yönəltmişdik"