İngiltərənin "Tottenhem" klubunun müdafiəçisi Kristian Romero karyerasını İspaniyada davam etdirməyə yaxındır.

BAKU.WS xəbər verir ki, bu barədə italiyalı insayder Nikolo Skira sosial şəbəkə hesabında məlumat yayıb.

Mənbənin iddiasına görə, argentinalı futbolçu "Atletiko" Madrid ilə 2030-cu ilin yayına qədər nəzərdə tutulan müqavilənin əsas şərtləri üzrə razılıq əldə edib. Müqavilədə daha bir il - 2031-ci ilə qədər uzadılma imkanı da nəzərdə tutulub. Romeronun illik 6 milyon avro maaş alacağı bildirilir.

Hazırda Madrid təmsilçisi transferin reallaşması üçün "Tottenhem"lə danışıqları davam etdirir. London klubu 28 yaşlı mərkəz müdafiəçisi üçün 40-45 milyon avro təzminat tələb edir. Bildirilir ki, futbolçunun özü də rəhbərlikdən transferə icazə verməsini istəyib.

Kristian Romero 2025/2026 mövsümündə İngiltərə Premyer Liqasında 23 oyuna çıxaraq 4 qol vurub və 1 məhsuldar ötürmə edib. O, UEFA Çempionlar Liqasında isə 8 matçda 1 qol və 2 məhsuldar ötürmə ilə yadda qalıb.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Qarabağda işləmək istəyənlərin NƏZƏRİNƏ! - Maaş 1250 AZN-dək

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

"Sabah" növbəti SƏS-KÜYLÜ TRANSFERƏ hazırlaşır: Tanınmış futbolçu ilə danışıqlar başladı - FOTO

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3