"Azərbaycanın xarici işlər naziri Ceyhun Bayramovun Ukraynaya səfəri ondan xəbər verir ki, Azərbaycan heç bir qarşıdurmada tərəf deyil. Bütün tərəfdaşlarla konstruktiv dialoq aparır".

Bunu Far.Az-ə açıqlamasında siyasi elmlər üzrə fəlsəfə doktoru, politoloq Şəbnəm Həsənova bildirib.

Onun sözlərinə görə, cənab nazirin Ukraynaya səfəri regional əməkdaşlıq, iki ölkə arasında münasibətlərin dərinləşdirilməsi qədər, Avropa ilə Asiyanı birləşdirən nəqliyyat və kommunikasiya xətlərinin inkişafı baxımından da mühüm əhəmiyyət kəsb edir:

"Çünki enerji təhlükəsizliyi qədər, bu gün həm də logistika imkanlarının yenidən dəyərləndirilməsi dövlətlər üçün son dərəcə zəruri bir hala çevrilib. Bu baxımdan səfər potensial əməkdaşlıq imkanlarının üzə çıxarılması, hesablanması baxımından da mühüm əhəmiyyət kəsb edir.

Azərbaycan regionun əsas və aparıcı aktorudur, nəqliyyat və logistika mərkəzi rolunda çıxış edir. Təbii ki, bunun özü də Ukrayna üçün yeni imkanlar deməkdir.

Önəmli məqamlardan biri ondan ibarətdir ki, bu gün məlumat mübadiləsi də son dərəcə mühüm əhəmiyyət kəsb edən məsələlərdən biridir. Baxışların uzlaşdırılması, koordinasiya edilməsi, bənzər və ziddiyyətli məsələlərin gün işığına çıxarılması baxımından hər bir səfər mühüm əhəmiyyət kəsb etdiyi qədər, bu səfərin də son dərəcə mühüm əhəmiyyətə malik olduğunu düşünürəm".

Ekspert əlavə edib ki, Ceyhun Bayramovun Rusiya səfərindən sonra Ukraynaya səfər reallaşdırması ondan xəbər verir ki, Azərbaycan hər iki ölkə ilə də normal əlaqələrə malikdir:

"Bu əlaqələri inkişaf etdirməkdə də maraqlıdır. Azərbaycan öz milli maraqlarını əsas tutaraq siyasət yürüdür və bu milli maraqların təmin edilməsində qərarlar alınarkən bu qəratlar rəqabətin mərkəzində qalmadan qəbul edilir".

Orxan Hüseyn

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2