Avqustun 31-də, saat 12:00-da Azərbaycanda lizinq fəaliyyəti ilə məşğul olan "Legion Financial" ASC-nin səhmdarlarının növbədənkənar ümumi yığıncağı keçiriləcək.

"Far.Az" xəbər verir ki, yığıncaq şirkətin yerləşdiyi Bakı şəhəri, Yasamal rayonu, Həsənbəy Zərdabi prospekti, 25A ünvanında olacaq.

Yığıncağın gündəliyinə "Legion Financial"ın istiqraz buraxılışı, bu ilin I yarısı üzrə maliyyə və idarəetmə hesabatlarının təsdiq edilməsi daxildir.

Xatırladaq ki, "Legion Financial" 2020-ci ildə yaradılıb. Şirkətin səhmləri Turan İsmayılova (39,64 %), Ramin Süleymanlıya (31,2 %), Rövşən Sultanova (10,23 %), Böyükağa Məmmədova (14,07 %) və Belarus vətəndaşı Kolas Konstantinə (4,86 %) məxsusdur. T.İsmayılov həm də ləğv prosesində olan "Finoko" ASC bank olmayan kredit təşkilatının (BOKT) İdarə Heyətinin sədridir.

Oxşar xəbərlər

Prezident İlham Əliyev Əfv Sərəncamı imzalayıb

Vətən müharibəsinin başlamasından 4 il ötür

"Legion Financial" istiqraz buraxmaq istəyir

AMEA-nın 80 illik yubiley yığıncağı keçirilib, İlham Əliyev çıxış edib

"Legion Financial" maliyyə vəziyyətini açıqlayıb