Ermənistanın Avrasiya İqtisadi İttifaqında (Aİİ) iştirakı birtərəfli üstünlüklər əldə etməyə deyil, qarşılıqlı öhdəliklərin yerinə yetirilməsinə əsaslanır.

"Far.Az" Ermənistan mediasına istinadən xəbər verir ki, bunu ölkənin Baş naziri Nikol Paşinyan Qırğızıstanda Avrasiya Hökumətlərarası Şurasının iclasında bildirib.

"Ermənistan 2025-ci ildə Aİİ-nin ümumi idxal gömrük rüsumları büdcəsinə təxminən 319 milyon dollar köçürüb, Ermənistanın xeyrinə bölüşdürülən vəsaitin həcmi isə təqribən 175 milyon dollar təşkil edib. Beləliklə, Ermənistan ümumi büdcəyə aldığından xeyli çox vəsait köçürüb ki, bu da bizim məsuliyyətli mövqeyimizin və Aİİ çərçivəsində öhdəliklərimizi vicdanla yerinə yetirməyimizin birbaşa təsdiqidir", - o qeyd edib.

Onun sözlərinə görə, 2025-ci ilin yekunlarına əsasən, Aİİ ölkələrindən idxal təxminən 5 milyard dollar, Ermənistan məhsullarının ixracı isə təqribən 3,2 milyard dollar təşkil edib. Bu rəqəmlər göstərir ki, Ermənistan təkcə Aİİ-nin ümumi bazarının iştirakçısı deyil, həm də ittifaqa üzv dövlətlərdə istehsal olunan mal və xidmətlərin mühüm istehlakçısıdır.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev Vaşinqtonda Sülh Şurasının ilk iclasında iştirak edib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib