"Azsığorta" ASC bu ilin I yarısını 376 min manat zərərlə başa vurub. Halbuki, şirkət ötən ilin eyni dövründən 674 min manat xalis mənfəətlə çıxmışdı,

"Far.Az" xəbər verir ki, yanvar-iyun aylarında "Azsığorta"nın gəlirləri 5,38 milyon manat (1 il əvvələ nisbətən 25,1 % az), xərcləri isə 5,755 milyon manat (9,3 % az) təşkil edib.

Bu il iyulun 1-nə "Azsığorta"nın aktivləri 29,236 milyon manat olub ki, bu da illik müqayisədə 5,6 % azdır. Hesabat dövründə şirkətin öhdəlikləri 19,5 % azalaraq 11,029 milyon manata, balans kapitalı isə 1,6 % azalaraq 18,207 milyon manata düşüb.

Xatırladaq ki, "Azsığorta" 2006-cı ildə yaradılıb. Onun nizamnamə kapitalı 14,007 milyon manatdır. Şirkətin səhmləri 100 % Hikmət Abuzər oğlu İsmayılova ("AFB Bank" ASC-nin 99,64 %-lik, "Bank of Baku" ASC-nin isə 31,11 %-lik səhmdarı) məxsusdur.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Silahlı Qüvvələrin bir qrup hərbi qulluqçu təltif edilib

Prezident İlham Əliyev Əfv Sərəncamı imzalayıb

"AFB Bank"ın xalis mənfəəti 7 % azalıb

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib