"Meqa Sığorta" ASC bu ilin I yarısını 459 min manat xalis mənfəətlə başa vurub.

"Report" şirkətin maliyyə hesabatına istinadən xəbər verir ki, bu, ötən ilin eyni dövrü ilə müqayisədə 63,75 % azdır.

Yanvar-iyun aylarında "Meqa Sığorta"nın gəlirləri 17,013 milyon manat (1 il əvvələ nisbətən 5,75 % çox), xərcləri 16,44 milyon manat (13,3 % çox), mənfəət vergisi ödəmələri isə 115 min manat (50,2 % az) təşkil edib.

Bu il iyulun 1-nə "Meqa Sığorta"nın aktivləri 58,417 milyon manat olub ki, bu da illik müqayisədə 1,7 % çoxdur. Hesabat dövründə şirkətin öhdəlikləri 4,9 % artaraq 28,417 milyon manata, balans kapitalı isə 1,1 % azalaraq 30 milyon manata düşüb.

Xatırladaq ki, "Meqa Sığorta" 1998-ci ildən fəaliyyət göstərən BE&G sığorta şirkətinin bazasında 2010-cu ildə yaradılıb. Onun nizamnamə kapitalı 23 milyon manatdır. Şirkətin səhmlərinin 19 %-i Rauf Əliyevə ("Rabitəbank" ASC-nin 38,6 %-lik səhmdarı), 19 %-i Nəzakət İsmayılovaya, 19 %-i Zaur Quliyevə, 14 %-i Yaşar Qurbanova (Direktorlar Şurasının sədri), 10 %-i Zeynal Əliyevə, 10 %-i Faiq Şahəliyevə, 9 %-i isə Yaşar Əliyevə məxsusdur.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

"Meqa Sığorta"nın xalis mənfəəti 9 dəfədən çox azalıb

"Rabitəbank" İslam İnkişaf Bankı qrupuna daxil olan İslam Ticarət Maliyyə Korporasiyası ilə 10 milyon ABŞ dolları məbləğində maliyyələşmə sazişi imzalayıb

"Meqa Sığorta" maliyyə vəziyyətini açıqlayıb

"Rabitəbank"ın problemli kreditləri 8 %-ə yaxın artıb