ABŞ-nin keçmiş prezidenti Co Baydenin prostat xərçənginin sümüklərə və digər orqanlara yayıldığı açıqlanıb.

Far.Az xəbər verir ki, bu barədə Baydenin oğlu Hanter Bayden BBC News-a müsahibəsində danışıb.

Hanter Bayden atasının səhhətinin ağır olduğunu və xəstəliyin sümüklərə, daha sonra isə digər orqanlara yayıldığını bildirib.

"Bunu görmək çox ağırdır. Onun əziyyət çəkdiyini görmək çox kədərlidir", - deyə Hanter Bayden bildirib.

O, xəstəliyin "sümüklərə və daha da irəliyə metastaz verdiyini" qeyd edib. Hanter Bayden atasının vəziyyətini "çox ağrılı" və "yorucu" kimi xarakterizə edib.

Hanter həmçinin atasının ailənin "mərkəzi" olduğunu vurğulayaraq onu ən yaxşı ata, həyat yoldaşı və baba adlandırıb.

"Atamın səhhəti ilə bağlı deyə biləcəyim yeganə şey budur ki, kaş o, daha çox şikayətlənəydi", - deyə o əlavə edib.

Qeyd edək ki, 2025-ci ildə Co Baydenə prostat vəzinin aqressiv xərçəngi diaqnozu qoyulub. Xəstəliyin həmin vaxt sümüklərə metastaz verdiyi açıqlanmışdı. Şişin hormonlara həssas olduğu bildirilmiş və bunun müalicə imkanlarını artırdığı qeyd edilmişdi.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Silahlı Qüvvələrin bir qrup hərbi qulluqçu təltif edilib

Prezident İlham Əliyev Əfv Sərəncamı imzalayıb

Həyatda yaxşı şeyləri niyə görmürük? - Tanınmış simaların FİKİRLƏRİ

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3