At südünün bağırsaq sağlamlığına müsbət təsir göstərə biləcəyi müəyyən edilib.

Far.Az xəbər verir ki, alimlər at südünün xoralı kolitdən qoruyucu təsirini araşdırıblar. Nəticələr "Food & Function" jurnalında dərc olunub.

Tədqiqat zamanı alimlər siçanlar üzərində at südünün və onun tərkibindəki hüceyrələrarası vezikulların təsirini öyrəniblər. Hər iki variantın xəstəliyin əlamətlərini əhəmiyyətli dərəcədə azaltdığı müşahidə olunub.

Məlum olub ki, at südü bağırsaqlarda iltihabı zəiflədib, selikli qişanın bərpasına kömək edib və iltihab yaradan molekulların səviyyəsini aşağı salıb.

Bundan əlavə, məhsulun bağırsaq mikroflorasına da müsbət təsir göstərdiyi müəyyənləşib. At südü faydalı bakteriyaların sayını artırıb. Hüceyrələrarası vezikullar isə bağırsaqların qorunmasında və iltihabın azalmasında mühüm rol oynayan yağ turşusu istehsal edən mikroorqanizmlərin artmasına səbəb olub.

Alimlərin fikrincə, at südü orqanizmə bir neçə istiqamətdə təsir göstərə bilər: immun reaksiyanı tənzimləyə, bağırsaq mikroflorasının balansını bərpa edə və maddələr mübadiləsini yaxşılaşdıra bilər.

Qeyd edək ki, xoralı kolit xroniki iltihabi xəstəlikdir və kolorektal xərçəng riskini artıra bilər.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

WUF13-ün beşinci günündən maraqlı anlar - FOTOREPORTAJ

Bakıdakı hərbi paraddan maraqlı FOTOLAR

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Kanada Azərbaycan Məktəbi 2026-cı il məzunlarını təntənəli mərasimlə yola salıb